لا لحظر النشر .. لا لتقييد الصحافة

أكتوبر 20, 2018

يحدث الآن

سلوى العيني تكتب .. العالم كله إزازة حبر

العالم كله إزازة حبر
وانا قلبي قلم بيترجمها
يجمع أجزائه من البدايات
وفي كاس الشوق بيدوبها
كل قصايد العشق ف عينى
تتهادى مع همس حنينى
وتلون لي غابات أحلامى
علي شط عيونه تودينى
أرقص مع نبضاته سلو
وأدخل جوه وريده أتوه
فوق أمواج البحر العاتى
أسمع أنفاسى ودقاتى
يحضنها الموج الهايم
ويغطى محيطات العالم
وبعشقه الدافي يروينى
يشعل شوقى ونبض حنينى
يخطف لي نجمه تضوى لي
وعلي عش الحب يودينى
يشبك عطرى بحرف دلاله
واتجمع علي طرف خياله
وحروفى تترجم أشعاره
تشعل نار الحب ف عينى
ولبحر عيونه بترمينى
يرسمنى علي حرف السما
عصفور نونو بحلمه نما
وبزقزقته صنع ألحان
صحي الكون كدا باطمئنان
قطع ورق الحب النازف
واشطب من وجعه العنوان
ولع شمعة تنور ليلك
تنزل تسابيحه تغنى لك
وينقط حبره فى كراسك
تتهجى حروفه بأنفاسك
علي دنيا العشق تودينى
**  سـلـوى العـيني
* شاعرة وكاتبة مصرية

 

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *